ភ្នំពេញ៖ រដ្ឋមន្ត្រីការបរទេសអាមេរិកលោក ឡយ ជេម អូស្ទីន III (Lloyd James Austin III) បានជម្រាបសម្ដេចតេជោ ហ៊ុន សែន ថាសហរដ្ឋអាមេរិកនឹងបើកឡើងវិញអនុញ្ញាតឱ្យនិស្សិតកម្ពុជាទៅសិក្សានៅសាលា Westpoint ឡើងវិញ ជាការឆ្លើយតបទៅនឹងការប្រកាសជំហររបស់នាយករដ្ឋមន្ត្រីថ្មីកម្ពុជាក្នុងវិស័យការពារជាតិ។

លោកលើកឡើងបែបនេះក្នុងជំនួបជាមួយប្រធានព្រឹទ្ធសភា សម្ដេចតេជោ ហ៊ុន សែន នៅវិមានព្រឹទ្ធសភា ព្រឹកថ្ងៃទី៤ ខែមិថុនា ឆ្នាំ២០២៤នេះ។

មិនទាន់អាចបញ្ជាក់បានទេថាតើជំហរបែបណារបស់កម្ពុជាទើបសហរដ្ឋអាមេរិកបានសម្រេចជាថ្មីជាមួយកម្ពុជាបែបនេះ តែសម្ដេចតេជោ ហ៊ុន សែន បានសាទរចំពោះការវិវត្តន៍ថ្មីនេះ និងបញ្ជាក់ថាអ្វីដែលជាអទិភាពគឺការសន្ទនាជាពិសេសនៅក្នុងវិស័យការពារជាតិ ធ្វើយ៉ាងណាឱ្យអស់ការសង្ស័យរវាងគ្នាទៅវិញទៅមក និងកសាងនូវទំនុកចិត្តឲ្យកាន់តែខ្លាំងឡើងវិញរវាងប្រទេសទាំង២៕